13.03.2021
Состојки за 2 порции
Подготовка
Вклучете ја рерната да се загрева на 170 степени. Земјените садови (зафатнина од ца. 500мл.) премачкајте ги од внатре со путер. Доматот исечете го на тенки кругови, пиперката на коцки или кругови, сирењето издробете го или исечете ги на парчиња.
На дното од земјените садови ставете еден ред од домати, врз нив ред сирење па следува пиперката. Повторете ја постапката уште еднаш. Одозгора скршете по едно јајце, насолете, затворете со капак и ставете да се пече 20-25 минути. Тргнете капакот и оставете уште 5-10 минути да се допече. Одозгора наросете со сечкан магдонос, по желба ставете буковец, црвен пипер....
25.12.2020
Класично, традиционално јадење од германската кујна - полнето роловано јунешко или телешко месо во превкусен сос. Секој дом си има свој рецепт за нивна подготовка, но состојките како сенф и кромид се среќаваат во секој од нив. Како прилог кон нив се служат варени компири или пире од компири. За нивна подготовка ќе ви треба малку подолго време, но верувајте секоја минута вложена во подготовката вреди....вкусот е предобар!
Состојки
Подготовка
Целерот, морковите, коренот од магдонос и четирите главици кромид исечкајте ги на крупно. Тргнете на страна.
Киселите краставички исечете ги по должина на стапчиња (секоја краставичка на четири стапчиња). Главицата кромид исечете ја на тенки полумесечинки.
Шницлите посолете ги и набиберете ги од двете страни. Од едната страна премачкајте ги со по 2 лажички сенф, ставете по две ленти сланина, наредете по должина од тенко сечканиот кромид (на полумесечинки) и на крајот од шницлата ставете по две стапчиња кисели краставички. Преклопете ги страните на шницлата на внатре (како сарма кога виткате) и заролајте во ролат. Вака подготвените ролати заврзете ги како пакетчиња со кујнски конец. Секој ролат извалкајте го во брашно од сите страни, вишокот брашно истресете го.
Во пекач со капак или некоја подлабока тава со капак, ставете зејтин да се загрева на не многу висока температура. Ставете ги ролатите да се запржат од сите страни, при тоа внимавајте да не загори брашното кое ќе остане на дното од пекачот. Извадете ги пржените ролати и тргнете на страна.
Во зејтинот во кој се пржеа, ставете го сечканиот зеленчук да се пржи. Кога малку ќе омекне, додадете го доматното пире и шеќерот и тоа убаво да се запржи. Додадете ловоровиот лист и виното. Оставете така да се крчка некои 10 минути. Ќе видите дека брашното кое остана на дното од пекачот ќе се раствори и течноста почнува да се згуснува.
Ставете ги сега ролатите врз зеленчукот и налејте го бујонот. Ролатите треба скоро целосно да бидат во течноста. Доколку има потреба доставете вода. Оставете да зоврие, намалете ја температурата на средна и поклопете со капак, но не сосема, туку на половина да е покриен пекачот. Оставете така да крчка 2 часа. На половина време превртете ги ролатите од другата страна.
За сосот, останува на вас да одлучите дали зеленчукот ќе го испасирате и додадете во сосот. Јас го процедувам сосот низ цедалка, а зеленчукот не го додавам, и без него е веќе доволно густ и многу вкусен.
На здравје!
05.11.2019
За подготовка на рецептов ќе ви биде потребен пекач или тава за печење со капак.
Состојки
26.10.2019
Состојки
Подготовка
Кромидот исечкајте го ситно, шампињоните исчистете ги и во зависност од големината исечете ги на половина. Киселите краставички исечкајте ги ситно. Колбасиците исечкајте ги покрупно и ставете да се пржат на загреано масло. Откако убаво се испржиле, ставете го кромидот и шампињоните. Пржете додека да испари течноста која ќе ја испуштат шампињоните. Сирењето измешајте го со водата и додадете во тавата, оставете да зоврие и на крај ставете ги краставичките. По желба набиберете и насолете.
Одлична комбинација е со шпецли или варени тестенини, пробајте.
Состојки
За сосот
Подготовка
За ќофтињата, ситно исецкајте ги пињолите. Во еден сад ставете го меленото месо, додадете ги останатите состојки и убаво измешајте. Формирајте ќофтиња со големина на орев и пржете во врел зејтин.
За сосот, исецкајте го кромидот и лукот. Во една тава, ставете малку маслиново масло и ставете кромидот и лукот на тивко да се динстаат. Кога ке омекнат, ставете ја мајчината душица и динстајте така уште 2 минути. Додадете го шеќерот, промешајте кратко и ставете ги доматите претходно крупно исечкани. Оставете да зоврие па потоа посолете и побиберете, додадете ја инстант супата и чилито. Оставете така сосот да се динста околу 20 минути или додека да згусне.
Послужете топло. Добар апетит!
Состојки
Состојки
Подготовка
Кромидот исечете го на тенки полупрстени и заедно со сланината и сечканата домашна колбасица ставете го во пекач на малку загреан зејтин да се пржи додека да омекне. Додадете на коцки исечканото свинско и јунешко месо и кратко запржете. Ставете ги доматите, шашлик сосот и пиперките исечкани на покрупни коцки. На крај, додадете ја неутралната павлака, измешајте и поклопете со капак па ставете во загреана рерна на 180 степени да се пече 2 1/2 часа. Повремено промешувајте. 40тина минути пред крајот, тргнете го капакот и оставете така да се допече/довари.
Се служи во комбинација со варен ориз, тестенини, компири или со топол леб.
Напомена
Доколку не можете да најдете готов шашлик сос, зголемете ја количината на домати во рецептов, додадете уште една пиперка и зачинете со лук, орегано, малку кари, шеќер и ворчестер сос.
На здравје!
Состојки
Подготовка
Пиперките исечете ги покрупно на коцки и ставете ги да се пржат на врел зејтин. Се пржат кратко, колку малку да омекнат и се тргаат на страна.
Во истата тава ставете малку зејтин и ставете го меленото месо да се пржи. Штом ќе ја смени бојата, додадете го сечканиот кромид и лук и продолжете со пржење. Додадете го ореганото и црвениот пипер, насолете и набиберете на вкус. Ставете ги пасираните домати, супата и водата и оставете да зоврие. Додадете го оризот, намалете ја температурата на ниска, поклопете со капак и оставете така да се вари 15-20 минути во зависност од тоа каков ориз користите. По потреба додадете вода за оризот да се свари. Две минути пред крајот, ставете ги пиперките одозгора во тавата, поклопете, и продолжете со варење. Кога е готово, промешајте и послужете.
Се служи со додаток на густ јогурт или како во мојов случај, со домашно кисело млеко.
На здравје!
Состојки
Состојки
Подготовка
Во длабока тава испржете го меленото месо на малку зејтин. Посолете и набиберете на вкус. Додадете го доматното пире, запржете па ставете ги исечканите пиперки и праз. Пржете околу 3 минути, додадете мелениот црвен пипер и на крај ставете ја и супата, и оставете да зоврие. Додадете ги ситните макарони (не варени), намалете температурата на средна и оставете да се вари. Повремено промешувајте. Доколку има потреба досолете и набиберете. Готови се кога целата течност ќе испари. Послужете со додаток на крем фреш.
Напомена
Супата која ќе ја додадете може да биде домашна или подготвена со коцка супа, или како јас што направив овој пат, ја додадов водата во месото и ставив 2 полни лажици сув зелечук за супи.
На здравје!
Состојки
Подготовка
Вклучете ја рерната на функцијата вентилатор на 180 степени да се загрева.
Тавата во која ќе печете премачкајте ја со путер. Сувите домати исцедете ги и исечкајте ги на ленти. Лукот исто исечкајте го ситно. Пармезанот изрендајте го а моцарелата исечкајте ја на коцки. Босилекот исто исечкајте го. Пилешките гради исечете ги во должина на неколку парчиња, посолете ги и ставете ги да се пржат на загреан зејтин. Извадете ги и ставете ги во тавата.
Доматите ставете ги да се пржат во истиот зејтин каде се пржеше пилешкото, продинстајте ги па ставете го лукот. Кратко пропржете и ставете ја неутралната павлака. Оставете да зоврие, додадете крем сирењето и мешајте додека да се стопи. Ставете го и босилекот и овој сос налејте го врз пилешкото во тавата. Одозгора наредете ги коцките моцарела и наросете со пармезанот. Ставете да се пече 20-25мин.
Како прилог може да подготвите варен ориз или тестенини, или за оние кои сакаат да мацкаат од сосот :) , едноставно со леб.
Наместо пилешки гради можете исто да подготвите и мисиркини гради или шницли. Јас овој пат подготвив пола со пола, пилешки гради и мисиркини шницли.
На здравје!
Состојки
Сос
Подготовка
Модриот патлиџан излупете го и исечете го на 12 тенки долги парчиња. Испржете ги на малку зејтин колку да омекнат малку. Тргнете на страна.
Шницлите исчукајте ги да бидат тенки. Секоја шницла премачкајте ја од едната страна со едно лажиче сенф и ставете по едно парче модар патлиџан. Завиткајте во цврст ролат и зацврстете со дрвена чепкалка или метални игли за месо. Пржете ги од двете страни додека да зацрвенат па тргнете ги на страна.
Во маслото каде ги пржевте шницлите, ставете ги исечканите моркови, кромид и целер и пржете додека да омекни зеленчукот. Додадете водата и виното, оставете да зоврие па ставете го и сувиот зеленчук. Измешајте убаво и ставете ги шницлите во сосот. Затворете со капак и оставете 30тина минути да крчка на тивко.
Извадете ги повторно шницлите а зеленчукот заедно со течноста измиксајте ја со рачен миксер. Вратете назад во тавата и се заедно оставете уште еднаш да зоврие на тивко.
Послужете со свежа салата и пире од компири.
На здравје :)
Состојки
Подготовка
Рерната вклучете ја на 180 степени да се загрева.
Свинското филе исечете го на прачиња со дебелина од 2-3цм. Посолете и набиберете и од едната страна премачкајте ги со сенф. Секое парче месо завиткајте го во едно тенко парче сланина. Наредете во длабока тава за печење. Во длабок сад измешајте ја неутралната павлака со крем фреш, доматното пире, карито, шеќерот, кајенскиот бибер и сечканиот магдонос. Насолете на вкус, но не претерувајте бидејќи и сланината е солена. Оваа смеса налејте ја во тавата и ставете да се пече 30-тина минути.
Во прилог може да послужите варени тестенини, ориз или компири.
Состојки
Прелив
Подготовка
Компирите излупете ги и исечкајте ги на кругови со дебелина од 2-3мм. Модриот патлиџан исто излупете го и него исечете го на кругови и испржете го на малку врело масло колку да омекне.
Кромидот исечкајте го ситно и додадете во тавата каде се пржеше патлиџанот. По потреба додадете уште малку зејтин и пржете додека омекне па ставете го меленото месо да се пржи. На крај посолете и набиберете на вкус.
Рерната вклучете ја да се загрева на 180 степени.
Во тава со пречник од 26цм. наредете еден ред со половина од компирите и посолете. Следува ред модар патлиџан, исто посолете. Врз нив ставете го целото мелено месо, па наредете уште еден ред модри патлиџани кои ќе ги насолите. На крај завршувате со ред компири. Налејте со зејтинот и ставете да се пече околу 1 час или додека горните кругови започнат на страните благо да зацрвенуваат.
Прелив
Јајцата изматете ги со жица за матење, додадете јогуртот и млекото и убаво измешајте. Пробајте за сол, и доколку мислите дека има потреба, насолете. Со ова налијте ја мусаката, зголемете ја температурата на 200 степени и оставете ја да се допече уште околу 20 минути.
Послужете со кисело млеко или Тцатцики.
Вода, или дополнителна течност не ставам во мусаката. Компирите и без тоа се одлично испечени и се топат во уста.
На здравје :)
Рецептов е од оние за на брзина подготвен ручек. Принципот на One Pot Pasta за мене е генијален :). Тестенините ги варите заедно со сосот, добивате кремаста и вкусна паста, имате готов ручек за 15-20 минути, а потребно ви е само едно тенџере, значи помалку садови за миење :)
Состојки
Рецепт од турската кујна. Се служи за појадок, но јас би го предложила и како главно јадење. Брзо се подготвува со едноставни состојки а вкусот е одличен.
Состојки
Подготовка
Вклучете ја рерната да се загрева на 175 степени.
Кромидот исечкајте го на не многу тенки полукругови. Лутата пиперка исечкајте ја на лентички а суџукот излупете го и него исечете го на полукругови. Ставете сето тоа во тавче (по можност огноотпорно), додадете 2-3 лажици маслиново масло и пржете 10-тина минути. Пиперките исечкајте ги на ленти и додадете ги и нив да се пржат околу 5 минути. Ставете ги доматите и оставете така да крчка околу 5 минути, повремено промешувајте. Насолете и набиберете на вкус. Додадете го исечканиот магдонос, промешајте и со помош на лажица направете дупки во смесата и во секоја од нив скршете по едно јајце. Ставете да се печи 10-12 минути или во зависност од тоа колку тврдо сакате да биде зготвено јајцето. Извадете од рерна, наросете по желба со магдонос и послужете топло со топол леб.
На здравје :)
Напомена
Доколку немате огноотпорно тавче, тогаш откако ќе ги ставите јајцата поклопете го тавчето со капак, намалете температурата на ринглата и пржете така додека да се готови јајцата.
Состојки
Состојки
Подготовка
Тиквичката излупете ја и исечкајте ја на полумесечинки. Испржете ја на врело масло и тргнете на страна.
Кромидот исечкајте го и ставете да се пржи. Кога ќе омекне додадете го меленото месо. Испржете го убаво, ставете го сечканиот лук и пржете наредни 3 минути. Додадете доматите сечкани, крем сирењето, пржените тиквички, налејте со вода и ставете го сушениот мешан зеленчук. Посолете и набиберете на вкус. Оставете да зоврие па лазањите искршете ги на крупни парчиња и наредете ги одозгора врз сосот. Внимателно натиснете ги со лажица за течноста од сосот да биде над нив. Намалете температурата на ниска, поклопете го тавчето со капак и оставете 10-тина минути да крчка. Одозгора ставете го ренданиот кашкавал и моцарелата, поклопете повторно со капак и ставете наредни 5 минути да се вари.
Тргнете на страна и оставете ја лазањата поклопена уште 10 минути, гарнирајте со свеж босилек па потоа послужете.
Напомена:
Водата и мешаниот сув зеленчук можете да ги замените со бистра зеленчукова супа (250мл.)
Состојки
Подготовка
Шпагетите ставете ги да се варат во посолена вода.
Туната исцедете ја од маслото.
Кромидот исечкајте го на тенки прстени и ставете го да се пржи на врело масло. Откако ќе зацрвени, ставете ги доматите и пченката, додадете ореганото, посолете и набиберете. Оставете да се крчка на средна температура околу 5 минути па додате ја туната, се заедно убаво измешајте и оставете да се загрее околу 1 минута. Ставете ги сварените шпагети во сосот, измешајте убаво и послужете одозгора со нарендан пармезан.
На здравје! :)
Состојки
Подготовка
Шампињоните исчистете ги и исечкајте ги на ленти. Тиквичката излупете ја и исечете ја спирално. Доколку немате алатка за спирално сечење може и на тенки долги ленти да ја исечете со помош на ножето за лупење компири. Шпагетите ставете ги да се варат 5-6 мин. во зовриена вода. За тоа време треба да ја впијат водата. Додадете ја павлаката за готвење и коцката супа (замена може и мешан сув зеленчук) и продолжете со варењето со повремено мешање на шпагетите.
На загреано масло ставете го истиснатото лукче да се запржи кратко па додадете ги шампињоните и тиквичката. Пржете 3-4 мин. со постојано мешање или превртување.
Кога шпагетите ќе ја впијат скоро целата павлака додадете го пармезанот. Ќе добиете убав, кремаст сос. Додадете ги тиквичката и шампињоните и се убаво промешајте, посолете и набиберете на вкус.
Послужете ги веднаш додека се топли и наросете одозгора со магдонос или свеж босилек.
Рецептот беше за OnePot Pasta ама бидејќи не ми се допаѓаше идејата тиквичката и шампињоните да ги варам, малку го изменив па сега би му дошло како TwoPot Pasta рецепт :)))
На здравје!
Состојки
Подготовка
Салатата исечкајте ја на ленти, на доматот извадете му ја срцевината и исечкајте го на коцки. Кромидот исечкајте го ситно и ставете го да се пржи. Кога ќе зацрвени, додадете го меленото месо и со лажица убаво иситнете го. Додадете го доматното пире, убаво измешајте, ставете го гравот претходно исцеден, насолете и набиберете на вкус. Оставете уште 2-3 минути да се пржи, по желба ставете чили или лут биковец.
Во сува тава со капак, ставете една тортиља и на средна температура 30 сек. затоплете ја од едната страна. Превртете ја од другата страна, на средина ставете од кашкавалот, поклопето со капак и оставете така да се загрева додека се стопи кашкавалот. Извадете од тава, врз кашкавалот наредете од месото, следува салата па сечканите домати. Завиткајте во ролат и замотајте цврсто со фолија да отстојат додека ги спремате останатите бутироси.
Послужете со сенаменскиот крем - американски кисел крем (Sour cream - Steakhouse Style), одлична комбинација се.
Добар апетит!
13.06.2018
Состојки
Маринада
Подготовка
Ребрата измијте ги под млаз ладна вода и исушете ги со кујнска хартија. Посолете ги и набиберете ги, ставете ги во сад со капак, додадете исечканиот лук. Затворете го садот со капакот и ставете во фрижидер да отстои најмалку 2 часа (или преку ноќ).
Исечете ги ребрата на парчиња по желба, ставете ги во длабоко тенџере и налејте со вода. Водата треба да ги покрива ребрата. Додадете го ловорот и ставете ги да се варат на највисока температура. Кога ќе зоврие, намалете ја температурата на ниска (кај мене на 2 од 9), поклопете со капак и варете 50 минути.
Состојките за маринада убаво измешајте ги.
Откако се свариле, извадете ги од водата и ставете ги во плех. Повторно насолете ги и премачкајте ги со маринадата. Се печат 20 минути на 200 степени во претходно загреана рерна.
Ова е мој предлог за ручек, гулаш подготвен на малку поинаков начин. Вкусот за мене е перфектен, месото е меко, се топи... Подготовката започнете ја еден ден порано, бидејќи месото треба подолго да одлежи во маринадата.
27.06.2018
Котбуларс се шведски ќофтиња, на многумина познати од рестораните во Икеа. Традиционално се служат со компот од рибизли, но јас овој пат се одлучив за малку поинаква верзија.
Состојки
За ќофтињата
Рецептов е посебно за вљубениците во Текс-Мекс кујната а и за оние кои сакаат добро маринирано месо. Се што ви треба за подготовка сигурно веќе го имате во вашата кујна, посебно ако сте вљубеник во зачините.
Состојки
Подготовка
Сите состојки промешајте ги и ставете ги во мала тегличка која добро ќе ја затворите.
Се што ќе ви треба потоа за маринирање на месото е маслиново масло и свеж кромид. Мешавината од зачини и кромидот исечкан на тенки месечинки ги додавате во маслото, го прелевате месето и осатвате неколку часа да отстои во маринадата. Вишокот на маринада го отстранувате (цедите) и месото заедно со кромидот го пржите.
Од оваа количина на состојки излегува околу 3 лажици мешавина на зачини. 1 лажица од мешавината се меша со околу 60 мл маслиново масло и доволно е за околу 500-700 гр месо, но сепак вие дозирајте по вкус.
Екстра брзо спремен оброк, единствено што мора да се чека е маринирањето. Јас го ставам месото во маринадата наутро и попладнето само ги правам ролатите и ставам да се печат.
Состојки
Подготовка
Маслиновото масло, сокот од лиметата и фахита зачинот измешајте ги во еден мал сад. Шницлите измијте ги и исушете ги со кујнска хартија. Ставете ги во длабок сад, налејте ја маринадата врз нив и убаво измешајте. Поклопете со капак и оставете го месото во фрижидер да се маринира најмалку еден саат. Пиперките исечете ги на тенки прачки. На секоја шницла ставајте по три парчиња од пиперките и замотајте во ролат. Наредете ги во тава, напрскајте ги со малку масло и ставете да се печат во загреана рерна 25 минути на 180 степени и уште 10 минути на 200 степени.
На здравје! :)
Шакшука е традиционално израелско јадење или поточно традиционален појадок. Јас го подготвив како ручек, таман погоден за вреливе денови. Топло ви препорачувам да го подготвите и пробате јадењево.
Состојки
Како надоврзување на рецептот за зачинска мешавина за фахита, еве го и рецептот за подготовка на фахита, превкусно јадење од Текс-Мекс кујната.
Состојки
Подготовка
Месото измијте го под млаз ладна вода и исушете го со кујнска хартија. Исечете го на тенки, долги ленти. Кромидот исечкајте го на тенки полумесечинки. Ставете го месото и кромидот во еден длабок
сад со капак. Ва маслиновото масло ставете ја зачинската мешавина за фахита и убаво измешајте. Со оваа маринада налејте го месото, убаво промешајте го, затворете го капакот и ставете во фрижидер
да отстои 2-3 часа. Откако отстојало, исцедете го месото од вишокот маринада и ставете го заедно со кромидот со кој се маринираше да се пржи на висока температура. Посолете по желба.
Пиперките исечете ги на тенки ленит, младото кромитче на прстени. Откако месото се испржило извадете го од тавата и тргнете го на страна. Ставете го зеленчукот да се пржи во истото масло. Пржете 4-5 минути додека пиперките малку да омекнат, по желба ставете сега сок од лимета, посолете и набиберете. Додадете го прженото месо и пропржете уште 1-2 минути.
Оризот ставете го да се вари во посолена вода. Кога ќе е на пола варен се додава куркумата и се продолжува со варење. Кога е готов, исцедете го вишокот на водата.