Ако спонтано посакаш да направиш колач , и за рецептот ти треба мек путер има едноставен трик. Расечи ја потребната количина путер на парчиња и нареди ги како купче на еден тањир. Стопли една шоља или сад со топла вода и влечи ја преку купчето путер. Топлината ќе направи путерот брзо да омекне.

Премногу добро го знам чувството, ако брзо и хектично мешам во тавата или тенџерето јадењето побрзо ќе се зготви :). Фактички се постигнува спротивниот ефект. Доколку премногу мешаш во тавата или тенџерето опаѓа температурата и целата работа трае подолго.

Доколку сакаш да сечеш на пример цвекло или некој друг зеленчук или овошје коешто ги фарба рацете, тогаш можеш пред тоа да ги намачкаш рацете со маслиново масло, тоа ги одбива фарбите. Но јас за такви работи земам ракавици за еднократна употреба од дрогерија (на пример од „ДМ“). И тоа црни, затоа што изгледаат многу убаво :). Избери ја вистиската величина на ракавици. Ракавиците треба добро да се лепат на раката. Тоа е многу важно, бидејќи инаку при сечење се сечат и врвовите на ракавиците.

За да исцедиш повеќе сок од една лимета, најпрво истркалај ја лиметата на дрвена даска притоа нежно притискајќи одозгора со дланките. Пресечи ја на половина, срцевината избоцкај ја со остар нож, па исцеди во цедалка за цитрусно овошје.

Тој што сака сам да прави тестенини, не може без едно правило: сите состојки - и јајцата - мораат да бидат со собна температура. Најпрво ставете се на купче на работната маса и измешајте го, или пак препуштете и го првото мешање на кујнската машина. Но, за понатамошното месење нема друга алтернатива освен да се меси со рака. При тоа месете го тестото во различни насоки, најдобро на работна овршина од гранит, мермер....Преку мазноста и свежината на подлогата тестото се одвојува полесно отколку ако подлогата е од дрво. Кога ќе стане фино и мазно под прстите, завиткајте го тестото во фолија и оставете го да одмори отприлика 1 час.

Нож или нож за лупење не се прецизни поради многуте мали грпки на ѓумбирот. Наспроти тоа, тој што употребува лажица и со неа трие внимателно преку кората работи многу поефикасно и побрзо, бидејќи со оваа метода се отстранува само кората.

Колку е порамна порцијата, толку побрзо се замрзнуваат во комората за замрзнување. И што побрзо намирниците замрзнуваат, толку подобра останува структурата на нивните клетки и со тоа се сочувуваат вкусот и конзистентноста. Освен тоа се штеди место. Покрај тоа, треба да се внимава во ќесичките да има што помалку воздух.